“المصرية ولا الأجنبية”.. اعرف آراء الشباب حول الفرق بين الستات

اختلف مغردو تويتر من خلال هاشتاج “المصرية ولا الاجنبية” الذى تصدرا قائمة الأكثر تداولا بأكثر من 12 ألف تغريدة حول مميزات وعيوب الأنثى المصرية في مقابل الأجنبية، فقالت نورا:”المصرية يعني الجدعنة والحنية والطيبة والأمان هى الأم والزوجة والأخت هي أهم عمود فى حياة الراجل المصرى”.

وغردت آية :”المصرية اعرف ديما إن مهما عملت وإن مهما قلت هتبقى عارف إنها مش هتسيبك وتروح لغيرك عشان تربيتها مش أقل من كده”.

وكتبت أخرى: “مفيش فرق بين الإثنين دي ليها وجود فى مجتمعها ودي كمان، الإثنين ليهم وجود ومع اختلاف التصرف والافعال المصرية بتفضل مع جوزها وأهلها للاخر ومعهم فى أي حاجة المهم هما يبقوا كويسن والأجنبية ليها حياتها الخاصة وعيلتها برضو”.

ويرى مصطفى عادل:” المصرية هي أختي وأختك يوم ما بتقلل من الست المصرية يبقى بتقلل من أمك وأختك”.

 

وكتب بيبو: “المصرية أصيلة وتستحملك و عارفة وعايشة ظروفك وعلى قد فلوسك وبترضى بالقليل لو بنت أصول .. الأجنبية لو عربية هتدلعلك سواء مغربية أو سورية أو خليجية و هتخليك تعيش حياة كويسة بس معرفش هتبقي أصيلة ولا لا زى المصرية ولا هتجرى أول ما فلوسك تخلص !”.

قال حمدى: “المرأة هي المرأة مهما اختلفت جنسيتها طالما أنت بتحبها وتحترمها وبتعاملها معاملة حسنة ومش بتخونها برة البيت هي بتكون حنونة وتحبك وتخلص لك وتشيلك في عينيها دي طبيعة المرأة الطبيعة برمجتها تحافظ علي أسرتها  لأني عايش في أنجلترا أتجوزت أنجليزية ومفيش أحن منها”.