Jannah Theme License is not validated, Go to the theme options page to validate the license, You need a single license for each domain name.
متفرقات عالمية

“حدث ×48 ساعة”.. مشاجرات وحذف أغنية وفضيحة مذيع وارتباط ممثل بسيدة أعمال


يبدوا أن الحسد قد عرف طريقه إلى الوسط الفني وتوغل بين المشاهير في 48 ساعة، بدءًا من الخناقة الشهيرة بين الأخ وأخته الفنانة، وحذف أغنية شهيرة قد حطمت قوائم التريند واحتلتها خلال الساعات الماضية، وأزمة مذيع مشهور مع زوجته واعترافات وتصريحات نارية، وأنباء عن ارتباط ممثل بسيدة أعمال مشهورة.

وفي هذا التقرير، يرصد لكم الفجر الفني أبرز الأزمات التي اجتاحت الوسط الفني خلال 48 ساعة وأثارت ضجة كبيرة عبر مواقع التواصل الاجتماعي.

نبدأ بخناقة ياسمين عبد العزيز وشقيقها

وكانت خناقة وائل عبد العزيز شقيق ياسمين هي باكورة الأزمات التي اندلعت في الساحة الفنية، بدأت القصة ليلة أمس وبدون أي مقدمات، عندما قام وائل بتوجيه رسالة نارية لشقيقته يهاجمها فيها بسبب ارتباطها بممثل شاب يصغرها 10 أعوام وهو الفنان أحمد العوضي.

ولم يكتف وائل بمهاجمة شقيقته وحسب، بل قام بكتابة الرسالة على الملأ والتي حملت بين طياتها تجريح بالكلام وهجوم شرس وقاسي، وكان فحواها ما يلي:

صى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتأذيت فيها إزاى وقضية الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها”.

وأضاف شقيق ياسمين: “وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟.

وتابع وائل: “ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين”.

واختتم: “أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد.

بالطبع، رسالته أشعلت غضب عدد كبير من الجمهور والأصدقاء المقربين من ياسمين بالوسط الفني، بل بلغت ذروة الأزمة واستشاط العوضي غضبًا ووجه رسالة قاسية لوائل للدفاع عن نفسه وكتب عبر حسابه الشخصي بموقع التواصل فيسبوك: انهى بيت اللى ادخله من بابه.. ان كانت هي اللى بتصرف عليه وعلى ابنك اللي مخبيه وراميه وهي بتدفعله مصاريف مدرسته.. باب ايه يا ابنى ادخله هو انا شفت راجل واقف جنبها.. دي واحدة انت مبتعملش حاجة غير أنك بتستنزفها هي ومامتها.. باب ايه يا ابنى الى هدخله من بابه واكلم واحد بيتكلم على عرضه ولحمه قدام الناس.. يا ابنى انا من عين شمس منطقية شعبية اتربيت على ان الأخت والام والست الكلام عليهم من الكبائر.. عربية ايه يا ابنى انا اجرى الحمد لله يعيشني كويس ويجيبلي عربية حلوة وبيت كويس.. بمجهودي وشغلي مش على عرق واحدة ست.. باب ايه يا حبيبي اللي ادخله وانت أصلا عايش باسمها.. انا شقيت على حالي بعرقي.. لكن انت فشلت في كل شيء فشلت كممثل وفشلت كأب وفشلت كأخ وفشلت كبنى ادم”.

وانتهت القصة بحذف كلًا من العوضي ووائل كل ماكتب على صفحاتهم، ولم ينتهي الأمر إلى هنا فقط، بل قامت ياسمين بالاعتراف للعوضي بحبها له علنًا وقالت “بحبك يا أحمد”، وهو نشر نفس الكلمة على صفحته.

زوجة خالد عليش تتهمه بالتخلي عن نجلته

ولم يمضي على مشكلة ياسمين وشقيقها سوى ساعات قليلة، إلا وقامت ميما شامي زوجة المذيع خالد عليش، بتوجيه رسالة صادمة نشرتها عبر حسابها الشخصي بموقع التواصل الاجتماعي فيسبوك، وعلقت قائلة: هو ٤٠٠٠ جنية في الشهر يكفى بنت في مدرسة انترناشونال وباباها بيقبض ٧٥٠٠٠ في الشهر دة غير الإعلانات والايفنتات وإعلانات السوشيل ميديا وطبعا انا اللي كنت بتفق عالفلوس دة فعارفة من سنة هو كان بياخد كم يااما يرفع قضية اداب على امها.

وأضافت: والله في سهرة من السهرات اللي بينزلها وليدفع فيها دة يكفي بنته لان هو اللي خاني وضربني وكنت انا اللي يعتذر عشان انا اللي قصرت وهو محترم ومؤدب مع كل الناس الا انا ف انا اللي مش كويسة (طبعا هو كان بيقنعني بالكلام دة هو واهله فانا كنت بصدق لانه حولني لشخص عديم الثقة في نفسه فكنت بحس اني انا استاهل اتضرب واتهان واتخان وانا اللي مقصرة) واخد فلوسي؛ الراجل مش معترض على فلوسي ومعترف بيها بس مش هيدهالي غير لما أوافق على كل شروطه يااما الجاي للقضاء.. وهو برضو اللي طلقني انا بتعاقب على اية ؟!

انا اقسم بالله مامصدقة هو في اية انت مين ؟!!!

وتابعت: ونبي الناس اللي بتكلمني عشان اشيل البوست انتو متعرفوش انا مستحملة اية انا وبنتي ومتعرفوش انا عملت مع الراجل دة اية ومتعرفوش انا ساكتة بقالي قد اية ومتعرفوش انا ببيع اية عشان بنتي لان آخر ٨٠٠٠ جنية كانو معايا هو اخدهم ومتعرفوش انا اتهنت ازاي منه ومن أهله ومن صحباته البنات فالبوست دة اخر حل عندي لان مكنتش عايزة أعمل كدة مش عشاني ولا عشانه احنا بنا ربنا وهيحكم بنا بس بنتي مكنتش تستاهل كدة فسانحيني ياميما بس غصب عني وميما الحمدالله فهمت كل حاجة بدري لانها شافت اخر موقف قدام عنيها.

يافرحة ماتمت.. اليوتيوب يحذف مهرجان عود البطل لشاكوش وعمر كمال

وفوجئ مؤديا المهرجانات عمر كمال وحسن شاكوش بحذف مهرجان عود البطل من موقع الفيديوهات الشهير يوتيوب، وذلك بعدما حققت أكثر من 6مليون مشاهدة خلال وقت قياسي من طرحها على اليوتيوب.

أحمد فلوكس يزف خبرًا سعيدًا لجمهوره

وأعلن الفنان أحمد فلوكس في منشور له عبر موقع الصور إنستجرام عن إرتباطه بسيدة أعمال وقال: بسببب الصورm دي قالوا عليا اتجوزت وبقضي شهر العسل وقابليها قالوا عليا اني اتجوزت عرفي وقابليها قالوا كلام كتير بس احب دلوقتي اقول انا ايه .. الحقيقه اه ادعولي اتجوز الانسانه اللي قابلتها والحقيقه هي كانت معايا في نفس المدرسه وعشره سنينومش زي ما قالوا خبيرة تجميل هي الحقيقة سيدة أعمال في مجال السياحة”.

وتابع أحمد فلوكس قائلا : “وبنت ناس محترمين جدا ومن عيله ولان وزنها يتاقل دهب ولحقيقه علشان اقدر اروح اطلب اديها وانول شرف جوازها محتاج ترتيبات كتير واحوش كتير علشان مهرها اكيد مش مهر عادي ولا شبكتها هاتكون شبكه عاديه… وبما اني مش صغير وعندي ابن فاكيد هي كمان مش صغيره واكيد عندها ولاد من اجمل الاولاد اللي شوفتهم في حياتي فا اكيد الجواز محتاج وقت وتحضير وعلشان اروح لاهلها ده لوحده موضوع كبير …. فا علشان كده لسه ماخدتش خطوه صريحه”.

وأضاف أحمد فلوكس قائلا : “ادعولي علشان ساعات بيكون رزق رينا لعبده هو واحده زي دي تشاركه حياتوا … للي مهتمين بجوازي ادعولي ربنا يوفقني ….. دي ردي علي موضوع الجواز … وفي النهايه احب اقول كلمه واحده بالنسبه لموضوع السرير سكر محلي محطوط عليه كريمه”.





مرجع…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى