شاب يهدد آخر بسكين ويطلب منه شراء طعامًا لأولاده

بيروت (صدى):

شهدت بيروت في لبنان، واقعة غريبة من نوعها؛ حيث تعرّض شاب لتهديد من أحد الأشخاص بالسكين، الذي كان يريد المال لشراء الطعام له ولأولاده لأنّهم جياع في المنزل.

وقال شاب ساردًا الموقف الذي تعرض له: ” ماشي بشارع “سبيرز” بالصنايع شبه معتم وفاضي إلا من السيارات. بنتبه على “موتوسيكل” عم يهدي جنبي فجأة الشخص اللي عم يسوق بينزل وبيهجم عليي بالسكين وبقلّي ما تصرخ ولا تحكي أي كلمة أنا مو جاي اسرقك ” .

وأضاف الشاب أن الشخص الغريب، أخذ يقول: ” أنا جوعان وولادي بالبيت بدّن ياكلوا وأنا ما معي مصاري طعميهن بدي ياك تعطيني مصاري أو نروح نشتري غراض من الدكانة بس ما تحسس حدا بشي لأنو مو ناوي ضرك أنا بدي آخد غرضي وأمشي “.

واستطرد الشاب: “أنا الصراحة لأول وهلة جمدت ووقف راسي عن التفكير تماماً… قلتلو لحظة طالعلك مصاري من الجزدان… شلت وعطيتو يلي فيه النصيب. أخد مني المصاري ومشي ناح “الموتوسيكل” وفجأة رجع لعندي وما شفتو إلا بلش يبكي ويعتذر مني. قلي والله العظيم أول مرة بعمل هيك أنا شغيل وبعجبك بس والله الجوع ما بيرحم وولادي عم يبكو بالبيت بدهون لقمة خبز. وأنا حاولت واسيه قد ما فيني بعدين ركب “الموتوسيكل” ومشي”.